لە ناوچەی ئامووری وڵاتی رووسیا کە فڕۆکەیەک کە پەیوەندی لەگەڵ پچڕابوو کەوتە خوارەوە و ئاگری گرت. بەرپرسان رایانگەیاند، کۆی ٤٩ کەسی ناو فڕۆکەکە گیانیان لەدەستداوە.

ڤاسیلی ئۆرلۆڤ پارێزگاری ناوچەی ئاموور راگەیاند، لە کۆی ٤٩ کەسی ناو فڕۆکەکە ٥یان منداڵ بوون.

ئاژانسی هەواڵەکانی تاس راگەیاند کە کۆی ٤٣ سەرنشین و ٦ تیمی فڕۆکەوانی گیانیان لەدەستداوە.

بە پێی راگەیەندراوی میدیاکانی رووسیا، فڕۆکەکە دوای کەوتنە خوارەوە ئاگری گرتووە و لە ناوچەی شاخاوی لە ١٥ کیلۆمەتری فڕۆکەخانەی تیندا دۆزراوە.

باس لەوە کرا کە فڕۆکەکە هەوڵی دابەزین لە کەشوهەوای ناگونجان داوە و پێدەچێت هۆکاری رووداوەکە هەڵەی فڕۆکەوان بووە.

فڕۆکەیەکی شەریکەی ئاسمانی ئانگارای سبیریا لە ناوچەی تیندای رووسیا بەرزبوبوو و بەرەوەی ئاموور لە سنووری چین دەچوو.

فڕۆکەکە چەند کیلۆمەتر پێش لە گەشتن لە ناوچەکە پەیوەندی لەگەڵ پچڕا. دوای رووداوەکە تیمەکانی گەڕان و رزگارکردن رەوانەی ناوچەکە کران.

لێپرسینەوە لەبارەی رووداوەکە دەستیپێکرد.(İLKHA)